Eydís Inga valsdóttir

Í 2. sæti fyrir Samfylkinguna í Kópavogi

Ég býð mig fram í 2. sæti í flokksvali Samfylkingarinnar í Kópavogi fyrir sveitarstjórnarkosningarnar í vor, en valið fer fram þann 7. febrúar næstkomandi.Ég vil að Kópavogur sé bær þar sem fólk ræður við að búa og ala upp börn. Á síðasta kjörtímabili hafa álögur á barnafjölskyldur aukist verulega og gert daglegt líf margra erfiðara. Ég býð mig fram til að breyta þessari forgangsröðun og setja fjölskyldur í fyrsta sæti.Auk málefna fjölskyldna og barnafólks legg ég mikla áherslu á menntamál, enda er kominn tími til að við einblínum á að styrkja þann málaflokk, efla grunnfærni barna og stuðla að góðri skólaupplifun og öryggi þeirra. Foreldrar eiga að geta treyst á þjónustu sveitarfélagsins og börn og ungmenni eiga að fá stuðning sem mætir þörfum þeirra. Fyrir það þurfum við sterkt velferðarkerfi sem virkar þegar fólk þarf á því að halda. Til þess þurfum við að forgangsraða fjármunum skynsamlega og sýna ábyrgð í fjármálastjórn.

• Um Mig
• Málefni
• Greinar
• Hafa samband
• Taktu Þátt 🌹

Ég fæddist í Vestmannaeyjum 15. febrúar 1990. Ég er gift Aroni Tomma Skaftasyni, lífupplýsingafræðingi, og við eigum saman tvö börn, Nökkva (7) og Iðunni (4). Foreldrar mínir eru Íris Þórðardóttir, hjúkrunarfræðingur og kennari, og Valur Örn Gíslason, pípulagningameistari.Eftir að ég lauk stúdentsprófi frá Menntaskólanum að Laugarvatni hóf ég nám við Háskóla Íslands og lauk þaðan BA-gráðu í almennri bókmenntafræði með sænsku sem aukagrein. Í kjölfarið flutti ég til Svíþjóðar þar sem ég stundaði nám til meistaragráðu í Norðurlandafræðum frá Uppsala Universitet og síðar lauk ég einnig meistaragráðu í stafrænni upplýsingastjórnun frá Högskolan i Borås.Nú starfa ég sem teymisstjóri og sérfræðingur á Mennta- og menningarsviði Rannís. Áður hef ég starfað sem teymisstjóri og sérfræðingur hjá Universitets- och högskolerådet í Svíþjóð, starfað í sendiráði Íslands í Stokkhólmi, verið verkefnastjóri hjá Norræna félaginu og sinnt kennslu bæði í fullorðinsfræðslu og sem leiðbeinandi á leikskóla.Ég hef gegnt trúnaðarstörfum fyrir Samfylkinguna í Kópavogi sem varamaður í stjórn og sit jafnframt sem varamaður í Menntaráði Kópavogs. Ég sit í stjórn Visku, stéttarfélags háskólamenntaðra, og er trúnaðarmaður starfsmanna á mínum vinnustað. Þá sit ég í foreldraráði Leikskólans Marbakka og sat áður í foreldraráði Leikskólans Rjúpnahæðar.

• Forsíða
• Málefni

• Fjölskyldur í fyrsta sæti

Kópavogur á að setja fjölskyldur og barnafólk í fyrsta sæti. Á þessu kjörtímabili hafa gjaldskrár í leikskólum og álögur á barnafólk hækkað ítrekað. Þetta hefur áhrif á daglegt líf barnafjölskyldna og eykur álag á fólk sem er nú þegar að reyna að halda jafnvægi milli vinnu, fjölskyldulífs og fjárhags. Hlutverk sveitarfélagsins á að vera að styðja við fjölskyldur en ekki íþyngja þeim stanslaust með hærri gjaldtöku. Það felur meðal annars í sér að bjóða upp á örugga og góða menntun fyrir börn á öllum aldri, í takt við þarfir fjölskyldna og atvinnulífs.Ég vil:

• Börn og ungmenni í forgangi

Börnum og ungmennum á að líða vel í daglegu lífi. Skólar, frístundastarf og nærumhverfi skipta miklu máli fyrir vellíðan, tengsl og þroska. Þegar börn fá stuðning, festu og góðar aðstæður til að vaxa, styrkist samfélagið í heild. Á þessu kjörtímabili hafa komið upp atvik í skólum sem sýna að ekki er alltaf nægilega vel staðið að öryggi og stuðningi við börn i Kópavogi. Þar að auki hefur lestrarkunnáttu barna hrakað og augljóst er að hér þarf að gera betur.Ég vil:

• Velferð sem virkar

Velferðarkerfið á að vera aðgengilegt og mæta þörfum fólks. Hlutverk sveitarfélagsins er að tryggja að fólk fái viðeigandi þjónustu þegar það þarf á henni að halda. Það er óásættanlegt að börn séu á biðlistum eftir lögbundinni þjónustu í Kópavogi, hvort sem að það er meðferð hjá talmeinafræðingi, sálfræðiþjónusta, stuðningur vegna sérþarfa eða aðstoð vegna hegðunarvanda svo nokkuð sé nefnt. Fólk á ekki að þurfa að berjast við kerfið til að fá aðstoð og sérstaklega ekki fjölskyldur og ungt fólk á mótunarárum lífsins.Ég vil:

• Húsnæði og örugg hverfi

Á síðasta kjörtímabili hefur uppbygging í Kópavogi ekki verið nægilega mikil né fjölbreytt. Þetta hefur haft áhrif á möguleika ungs fólks til að komast inn á húsnæðismarkað eða möguleika fólks við að stækka við sig þegar fjölskyldumeðlimum fjölgar. Það er verkefni sveitarfélagsins að tryggja að húsnæðisframboð sé nægilegt, til að fjölskyldur geta sest að og fest rætur í sveitarfélaginu.Á sama tíma hefur borið á því að öryggi í nærumhverfinu okkar er ekki alltaf tryggt. Umferðaröryggi gangandi og hjólandi vegfarenda er víða ófullnægjandi, götulýsing er ekki nægileg alls staðar og gangbrautir eru ekki alltaf nægilega sýnilegar. Þó að ítrekað sé bent á þetta hefur ástandið ekkert breyst. Þetta hefur bein áhrif á daglegt líf fólks og það er mér afar mikilvægt að tryggja öryggi barna, ungmenna og annarra gangandi og hjólandi vegfaranda.Ég vil:

• Forsíða
• Greinar

• Forsíða
• Hafa samband

Til að taka þátt í prófkjörinu þarftu að vera skráður félagi í Samfylkingunni eða skrá þig sem stuðningsaðila, og vera með lögheimili í Kópavogi. Sem stuðningsaðili hefur þú engar skyldur gagnvart flokknum og tilheyrir ekki félagatali hans.

Skref 1: Farðu inn á xs.is/takathatt eða beint í gegnum rafræna auðkenningu Origo (beinn hlekkur)

Skref 2: Skrá sig sem stuðningsaðila (sjá mynd) eða sem félagi í Samfylkingunni í Kópavogi.

Þú færð kjörseðil rafrænt þann 7. febrúar en kosningin fer fram þann dag milli kl. 10:00-17:00.

• Forsíða
• Hafa samband

Hafa samband

Ég tek glöð á móti samtölum og skilaboðum svo endilega hafið samband ef einhverjar spurningar vakna.

• [email protected]
• 778-9337
• Facebook
• LinkedIn

• Forsíða